Wir bieten gepflegte Turnübungen zur spät-abendlichen Stunde an, sowie zweimal jährlich zu besonderen Aktivitäten, der närrischen Turnstunde und zur Mittsomernacht. Letzteres wiedererwachend am Wochenende nach dem längsten Tage des Jahres.
Jetz isch´s awwer mol gut. Jetz lass emol d` Goischt ruhe. So scharfsinnich un indressant die Beiträg von unserm Voschtand in d´Voroinsnachrichte a´immer sinn, ma könnt a´emol üwwer was anner´s schreiwe. Un doch, isch grad verickt, kaum komme d`Heftle druckfrisch, also noch warm in d´Vertoiler, s´erschte was g´lese werd, sinn die Stätmenns vom Bernd G. Wewer. Alles annere hat Zeit un´ d´Werbung sowieso. Awwer die braucht mer halt a´, denn die Informationen üwwers´s Voroinslewe koschte halt Geld. Wobei mer jetzt beim Geld wäre.
Wenn ich was üwwer Schtromkoschte, Gaskoschte, Wasserkoschte, Schei.... Entschuldigung, Clobabierkoschte les, un des immer widder, glab ich, unser Berufspädagog, ich moin d´Vorschtand moint, bei uns d´hoim däd des alles nix koschte. D´bei wisse mer alle, wie deier des Zeig worre isch. Doch´s jammere helft nix.Schpare misse mer.
D´Unnerhalt von so me Schportzentrum koscht halt Geld. Un des net wenich. So isch´s halt un gut isch´s, lass d´Goischt ruhe. D´VTH isch koin arme Voroi, im Oigedum un schulde´frei. Bravo !!! Denn wenn´s alles nix koschte soll, gibt´s e´ganz oifache Lösung: Düre zumaure un gut isch´s
Schport werd ab sofort nur noch im Freie betriewe un vom viele dusche werd a´blos d`Haut dinner. G´sangvoroi halte ihre Singstunne im Pfizer Park ab, odder in d`Herbert Boidich Hall un so weiter un so weiter.
Endlich isch e´mol oiner do, wo´s dem Schturrkopf sagt.
Awwer d´Hagsfelder Stuwe misse uff bleiwe. Weil des isch´s Üwungslokal, von d´Mondagsturner un des isch die jünscht Abtoilung von d´VTH. Do werd kräftich debadiert, attaktiert un so weiter, beim einarmiche Reiße, Schtemme, Hewe un annere Üwunge. Un drunge werd newebei a´noch was im Gegesatz zu annere Abtoilunge. Die oine dringe Bier, die annere Ketterer un so weiter.
Do isch vor e´paar Monat, newwe annere gude Gedanke, diskutiert worre, was d´Turnrat scho lang empfohle hat. Es soll endlich widder e´Fescht im Freie gewwe. Außer d´Kerwe isch jo sonscht nix im Freie, henn die g´sagt. Scho war die Idee uffgriffe von d`Mondagsturner. Awwer oins war sofort klar, es kann koi Fescht mit Steeklen un Brotwirscht sei. Des isch nämlich langweilich un abdrosche. Dodemit loksch heitzudag koi Katz me hinnerm Ofe vor. S´muß scho´ was B´sonners sei. Was, was in Hagsfeld noch net gewwe hat.
Em 23.uff d´24. Juni 2007 isch wie jedes Johr, Sonnwend. Des isch d´längschte Dag un d´kürzeschte Nacht vom ganze Johr. Doher werd des Ganze
M i t t s o m m e r n a c h t s f e s t
g´nennt. So isch mer in Gedanke uff en Ochs komme. Es werre an boide Dag jeweils en ganze Ochs g´grillt (un a´verkaft).
Allerdings koi Ochse vom Pfizer Park. Des kann mer net mache. Des däd nämlich vor allem bei d`Kinner Träne gewwe, wenn die arme Viechle am Schpieß hänge däde. Koi Mensch däd do e`Portion Ochs esse. Noi, des geht net.
Do mer des awwer net selwer mache kann, misse Fachleit her. E´richtiche Ochsebräterei muß her. Die bringe alles mit, vom Grill üwwer d´Ochse, s´Fahrzeig, d´Soß und alles was mer braucht. Die portioniere a´d´fertiche Ochs perfekt uff d´Deller. Dodezu gebts Grumbieresalat un Krautsalat. Fir d´kloi Hunger gibt's Ochseweck.
Des Ganze finnt in e´nem große Feschtzelt schtatt, zwische Karl Pfizer Park un d´VTH. Dass dodezu e´zinftiche Musich g´hert isch klar. Koi Scheiwlen vom DJ. Schtimmungsvolle Musich muß her. A´d´große Schankwage vom KETTERER aus Pforze werd do schteh. En Pavillion als Weischtand werd uffbaut; d`Bulplatz werd ei´gweiht. Viele Abtoilunge von d´VTH werre sich vorschtelle un uffzoige, was se in derre noch net zugmauerte Turnhall alles drenniere.
En Molwettbewerb fird Kinner wolle mer mache un die schenschte Bilder prämiere. Noch viel annere Dinge sin in d´Denke. Uff alle Fäll gebt des e`Veraschtaltung, wie se Hagsfeld noch net erlebt hat. E´Hagsfelder Ochsefescht unner dem Motto :
h a g s f e l d e r l e b e n
Dodezu brauche mer nadierlich viel fleisiche Helfer, awwer koi Angscht, von denne hat´s doch noch nie g´fehlt in d´VTH wanns ums schaffe gange isch - odder? Dass des Fescht mit Johannesfeier weit üwwer Hagsfeld hnaus bekannt werd, misse mer kräftich trommle un des mache mer a´. Un wenn´s was üwwer des Thema zu diskutiere gibt, bitte net mit em Bernd, dem arme Kerl, sondern mit uns, d´Mondagsturner, immer Mondags Owends ab de Neine am Schtammtisch (falls noch net zu´gmauert)
Kurt, en Mondagsturner
Anmerkung der Redaktion: Kurt ist der Riegenführer der Montagsturner (MT)